17 сәуір №83 Гимназияда өткен ата-аналар жиналысына «Орал Таңсықбаев атындағы Алматы сәндік-қолданбалы өнер колледжінің» өкілдері арнайы келіп, кәсіби бағыт-бағдар беру жұмыстарын жүргізді. Кездесу барысында ата-аналарға колледждің тарихы, оқуға түсу шарттары және даярланатын мамандықтар туралы толық мәлімет берілді. Колледж мамандары келесі бағыттар бойынша ақпаратпен бөлісті: • Дизайн (графикалық, интерьер, киім дизайны); • Кескіндеме және мүсін өнері; • Сәндік-қолданбалы өнер (зергерлік бұйымдар, қыш өнері, ағаш өңдеу). Мұндай іс-шаралардың мақсаты — шығармашылыққа бейімі бар оқушыларға дұрыс бағыт сілтеп, мамандық таңдауда ата-аналарға қолдау көрсету. Колледж өкілдеріне мазмұнды ақпарат пен қызықты таныстырылым үшін алғыс білдіреміз!